Sybaılas jemqorlyqqa qarsy qyzmet Qazaqstan Respýblıkasy Ulttyq mýzeıiniń dırektory Arystanbek Muhamedıuly men basqa da tulǵalarǵa qatysty búdjet qarajatyn asa iri mólsherde urlaý jáne laýazymdyq ókilettikterdi teris paıdalaný faktileri boıynsha tergeýdi jalǵastyrye jatqanyn málim etti.

"Tergeý "Altyn adamnyń álem murajaılary boıynsha sherýi" halyqaralyq kórmesin ótkizýge, sondaı-aq "Qazaqstannyń ulttyq kıeli nysandary men mýzeı qorlaryn jalpymemlekettik fotogrammetrıalyq 3D-skanerleý" jáne "Qazaqstan Respýblıkasynyń Ulttyq sıfrlyq kınokolleksıasyn sıfrlandyrý" jobalaryna bólingen búdjet qarajatyn urlaý faktileri boıynsha júrgizilýde", delingen Antıkor habarlamasynda. 

Budan basqa, Arystabek Muhamedıulynyń mádenıet jáne sport mınıstri laýazymynda bolǵan kezinde týystarynyń jáne úlestes tulǵalarynyń menshigine "Sý jáne qoldanbaly sport túrleri boıynsha Respýblıkalyq joǵary sport sheberligi mektebi" RMQK, "Qazaq ensıklopedıasy" AQ jáne "Qazaq ǵylymı-zertteý mádenıet ınstıtýty" JSHS zańsyz berýge qatysy bar-joǵy tekserilip jatqany habarlandy.

Tergelip jatqan qylmystyq ister boıynsha memleketke keltirilgen zalaldyń aldyn ala somasy shamamen 7 mlrd teńgeni quraıdy.

A.Muhamedıulynyń qamaýda ustaý merzimi 4 aıǵa deıin, ıaǵnı 26 qyrkúıekke deıin uzartyldy. Tergeý jalǵasyp jatyr.