Qazaqstan káristeri birlestigi tóraǵasynyń keńesshisi Georgıı Kan Qazaqstan men Koreıa respýblıkalary arasyndaǵy dıplomatıalyq qarym-qatynas ornaǵanyna 30 jyl tolýyna oraı qandaı is-sharalar júzege asyrylyp jatqanyn aıtty. Bul týraly Qoǵamdyq kelisim uıymy jumysynyń 9 aıdaǵy qorytyndysy men prezıdent joldaýyna oraı etnomádenı ortalyqtarǵa qoldaý kórsetý sharalary týraly ótken Almatydaǵy ortalyq komýnıkasıalar qyzmetindegi brıfıń barysynda málim etti.

– Eki el arasyndaǵy dıplomatıalyq qarym-qatynas ornaǵanyna 30 jyl tolý biz úshin mańyzdy oqıǵa. Koreıa Respýblıkasy Qazaqstan táýelsizdigin jarıalaǵan alǵashqy kúnderi táýelsizdikti moıyndaıtynyn jarıalap, osynda dıplomatıalyq mısıasyn jiberedi. Odan beri 30 jyl ótti. Al Qazaqstanǵa káris ultyn 1937 jyly ákelgen. Káristen Qıyr shyǵysta turǵanda Koreıa qol sozym jerde edi. 30 jyldarǵa deıin shekara ashyq bolatyn. Kenetten 10 myń shaqyrym jerdegi Ortalyq Azıaǵa qaraı kóshiredi de, qarym-qatynas tek 90 jyldary ornaıdy. Sonda káris qaýymy resmı baılanyssyz, tarıı otanynyn habar ala almaı 50 jyldaı ýaqyt ómir súredi. Sondyqtan bul 30 jyldyq mereıtoı kárister úshin, Koreıa Respýblıkasy úshin mańyzdy oqıǵa. Birinshi kezekte Qazaqstan úshin bul datanyń róli erekshe. Búginde Koreıa elge ınvestısıa tartý, birlesken kásiporyndar boıynsha aldyńǵy qatardaǵy elderdiń biri. Koreıa ekonomıkasy búginde ozyq ondyqqa kiredi. Sondyqtan dıplomatıalyq baılanystaprdyń 30 jyldyǵy aıtýly oqıǵa, – deıdi Georgıı Kan.

Birlestik tóraǵasy keńesshisi dıplomatıalyq baılanystar ornaǵan kezdegi keı oqıǵalar týraly aıtyp berdi.

– Koreıanyń Qazaqstandaǵy alǵashqy elshisi Kım Chan Gyn degen azamat bolǵan. Kım Chan Gyn myrza taǵaıyndalyp, jumysqa kirisken kezinde Úshtóbe degen jerde departasıalanǵan myńdaǵan kárister turatynyn estip, sol jaqqa aparýdy suraıdy. Kúz túsip, alǵashqy qar jaýǵan qazan, qarasha aılarynda elshi myrzany Úshtóbege aparady. aınala jazyq dala. Koreıada kúrish egetin ataqty úlken jazyq bar. Úzyndyǵy 250 shaqyrymdaı bolady. Ony bári maqtan tutady. Kım Chan Gyn Almatydan shyǵyp, qar basqan keń dalaǵa qarap, sonda káristerdi sonaý 37 jyly osy jerge ákelgen be dep kózine jas alǵan. Jas ala turyp, otandastarymdy osyndaı jaǵdaıda aman alyp qalǵan qazaq halqyna zor alǵys bildirem" degen. Bul eki el arasyndaǵy baılanystar endi ornaı bastaǵan kez edi, – dep eske alǵan ol qol el baılanystarynyń 30 jyldyǵyn zor yqylaspen atap ótetinin jetkizdi.

Onyń aıtýynsha, 6 qazanda Almatyǵa Koreıanyń Tegý qalasynan ulttyq mýzyka orkestiri kelip, konsert qoıyp ketken.. Tegý Koreıanyń úlkendigi jóninen tórtinshi qalasy bolyp sanalady. Eki qala arasynda seriktestik boıynsha kelisimderge qol jetkizilgen.

– Birlestik uıymdastyryp jatqan túrli is-sharalar qos el arasyndaǵy dostyqtyń 30 jyldyǵy ıdeıasyn tý etip, elgeriletýge baǵyttalǵan. Qazaqstan káristeri birlestigi aldaǵy ýaqytta Koreıa eliniń qatysýymen úlken joba qolǵa almaqshy. Onyń aıasynda koreılik ozyq tehnologıany agrarlyq sektorǵa artý kózdelip otyr. Koreıa İT salada da myqty damyǵany belgili. Sıfrlandyrý salasynda da kóp jetistikke jetken. Solardy Qazaqstanǵa ákelgek, endirsek degen oı bar. Buny memleket basshysy Qasym-Jomart toqaev te udaıy aıtady. Ári prezıdent eki el arasyndaǵy berik baılanys pen qarym-qatynastyń jandy, gýmanıtarlyq, adamı, mádenı kópiri elde turatyn 100 myńdaǵan káris ultynyń ókilderi ekenin de tilge tıek etip otyrady. Sondyqtan kárister úshin Qazaqstan bizdiń otanymyz. Kárister qaýymdastyǵynyń basshysy  Iýrıı SHAI aıtpaqshy, týǵan eldeı, el bolmas, týǵan jerdeı jer bolmas. Bul bizdiń ananyń sútimen sińgen jerimiz, al tarıhı otanymyz bizdiń mádenı, rýhanı, etnıkalyq shyqqan jerimiz. Jalpy josparlar óte aýqymdy, – dedi ol.