QR Kólik mınıstri elimizde «Iandeks.Taksı» servısimen naryqta báseke qalyptastyratyn servıs kerek ekenin aıtty. Onyń aıtýynsha, estonıalyq Bolt kompanıasy Qazaqstanda jumysyn bastaýdy josparlap otyr.
«Bolt kompanıasy naryqqa kirip jatyr. Olar aldymen elektrosamokattan bastap taksıge satyly túrde kóshedi. Qazir «Iandekske» naryqta InDrive kompanıasy da báseke jasap kele jatyr», - dedi mınıstr.
Mınıstr «Iandeks. Taksı» servısiniń qazaqstandyq naryqta jetekshi oıynshy ekenin jáne olardyń baǵasy rasynda qymbat ekenin aıtty. Biraq naryqtaǵy taksı baǵasyn mınıstrlik retteı almaıtynyn da túsindirip ótti.
