Ǵylymdy damytý – búgingi memlekettik saıasattyń negizgi baǵyty, Memleket basshysynyń tikeleı baqylaýyndaǵy jáne kólemdi qarajat bólinip, reforma jasalyp jatqan sala. 

Joǵary aýdıtorlyq palata ǵylymdy damytý isine memlekettik aýdıt júrgizip, birqatar quqyqbuzýshylyq faktilerin anyqtaǵan. Búgingi tańda ǵylymdy damytýǵa bólinetin qarajat kólemi 219 mıllıard teńgege deıin jetkenimen, ǵylymı-zertteý jumystaryna qajet qarajat kólemi áli de joǵary bolyp otyr. Aýdıtorlar ǵylymı jumystardy ekonomıkanyń naqty sektorynda paıdalaný kórsetkishine de nazar aýdarypty.

Ǵylym qorynyń jobalaryn komersıalyq naryqqa shyǵarý jumystarynda birshama kemshilikter bar. Mysaly, 42 aıaqtalǵan joba mejeli satý josparyn oryndamaǵan, al 8 joba boıynsha, tipti, eshqandaı ónim shyǵarylmapty.

Jetekshi joǵary oqý oryndarynyń janyndaǵy ınjenerlik ortalyqtar men tehnoparkterdi qurý kezinde joǵary baǵamen satyp alýlar júrgizý jáne qarajatty maqsatsyz paıdalaný faktileri anyqtalyp otyr.

Memlekettik aýdıt qorytyndysy boıynsha 1,7 mıllıard teńgeni quraıtyn qarjyǵa baılanysty tártipbuzýshylyq belgili boldy. Al qarajatty tıimsiz josparlaý 24,2 mıllıard teńgeni, tıimsiz paıdalaný 42,5 mıllıard teńgeni quraıdy.

Anyqtalǵan máseleler boıynsha materıaldar quqyq qorǵaý organdaryna joldanady.