Keshegi Vashıngtondaǵy Zelenskıı men Tramptyń kezdesýi nátıjeli bolyp, Vladımır Pýtınmen úsh taraptyq kezdesý ótedi dep kútilýde.
Tramp áleýmettik jelidegi jazbasynda Reseı prezıdentimen habarlasyp, onyń Zelenskıımen kezdesý uıymdastyrýǵa daıyndalyp jatqanyn aıtqan. Ol Ýkraına jáne Reseı prezıdenti men ózi qatysatyn úsh taraptyq samıt ótetinin jazǵan. Reuters agenttiginiń habarlaýynsha, Pýtın eýropalyq delegasıaǵa osyndaı usynys tastaǵan.
Alaıda Kreml Zelenskıımen kezdesýge qatysty resmı málimdeme jasamasa da, AQSH ákimshiliginiń aǵa ókili Reuters agenttigine Pýtın men Zelenskııdiń kezdesýi Vengrıada bolýy múmkin ekenin aıtty.
Germanıa kansleri Frıdrıh Merstiń aıtýynsha, kezdesý aldaǵy eki apta ishinde bolýy múmkin.
