2025 jyldyń basynan beri Qazaqstanda kópbalaly otbasylarǵa 354 mıllıard teńgeden astam járdemaqy tólengen. Eńbek jáne halyqty áleýmettik qorǵaý mınıstrligi kimniń qandaı tólemderge quqyǵy bar ekenin túsindirdi.
Vedomstvo málimetinshe, kópbalaly otbasyǵa beriletin memlekettik járdemaqyǵa 4 jáne odan da kóp birge turatyn kámeletke tolmaǵan nemese 23 jasqa deıingi kúndizgi bólimde oqıtyn stýdent balalary bar otbasylar tabysyna qaramastan úmitker bola alady.
Tólem mólsheri bala sanyna qaraı eseptelip tólenedi jáne 2025 jyly:
- 4 balasy bar otbasylarǵa – 16,03 AEK nemese 63 030 teńge;
- 5 balaǵa – 20,04 AEK nemese 78 798 teńge;
- 6 balaǵa – 24,05 AEK nemese 94 565 teńge;
- 7 balaǵa – 28,06 AEK nemese 110 332 teńge;
- 8 jáne odan da kóp balasy bar otbasylarǵa – ár balaǵa 4 AEK nemese 15 728 teńge mólsherin quraıdy.
