«Shekarasyz tilshiler» Azattyq tilshilerin akredıtteýden bas tartqan Qazaqstan bıliginiń sheshimin aıyptady, dep jazady Azattyq radıosy.

"RSF jýrnalıserdiń jumysyn isteýge kedergi keltiretin mundaı saıası sheshimdi aıyptaıdy jáne bılikti olardyń akredıtasıasyn dereý qalpyna keltirýge shaqyrady" dep jazylǵan málimdemede.

Buǵan deıin, Astana soty akredıtasıaǵa baılanysty SİM-di sotqa bergen Azattyqtyń ótinishin oryndamady

Shyqqan sheshim Azattyqtyń 7 tilshisine qatysty. Aldaǵy ýaqytta 9 tilshiniń akredıtasıasyna baılanysty sot ótpek. Azat Eýropa/Azattyq radıosynyń prezıdenti Stıven Kapýs Astana sotynyń sheshimi Qazaqstan Konstıtýsıasyna qaıshy dep málimdedi.

«Osy týraly Azattyqqa shyqqan jańalyqty bólise qoıaıyn desem, saıtymyzdyń túri anaý — on saǵat oılanyp ashylady. Ony da trottlıng ádisimen buǵattap jatqanyna keler aıda úsh jyl bolady», — deıdi Azattyq jýrnalısi.