Ýkraınanyń Reseı basyp alǵan jerlerden basqa aımaqtardyń bárinde dabyldy eskertý jarıalandy. Jergilikti bılik ókilderi Kıev, Harkov, Zaporoje, Krıvoı Rog jáne taǵy basqa aımaqtarda jarylys bolǵanyn habarlady.
Dnepropetrovsk oblysyndaǵy Marganes qalasyna jasalǵan shabýyl kezinde 31 jastaǵy áıel qaza tapty, dep habarlady Dnepropetrovsk oblystyq áskerı ákimshilik basshysy Valentın Reznıchenko. Onyń aıtýynsha, qalaǵa 40 "Grad" snarádymen shabýyl jasalǵan. Taǵy bir áıel jaraqat alyp, aýrýhanaǵa jetkizilgen.
"Qalada 30-ǵa jýyq kópqabatty jáne jeke úıler zardap shekti. Jergilikti lıseı, ákimshilik ǵımarat, kólikter men elektr jelileri qırap qaldy" dedi Valentın Reznıchenko.
VVS málietinshe, jarylystan keıin Kıev elektr jelisinen ajyrap, baılanyssyz qalǵan. Keıinirek Kıev meri Vıtalıı Klıchko "ınfraqurylym nysandaryna jasalǵan soqqy saldarynan Kıevtiń bir bóligi elektr qýatynan ajyraǵanyn, keı aýdandarǵa sý berilmeı jatqanyn" habarlady.
Ýkraına qorǵanys mınıstri German Galýshenko Reseı shabýyly saldarynan Ýkraına energetıka ınfraqurlymynyń 40 paıyzǵa jýyǵyna zaqym kelgenin habarlaǵan.
