Túrkıada jańa áleýmettik jeli ashyldy. Túrkıanyń memleket basshysy Rejep Taıyp Erdoǵan áleýmettik jelide alǵashqy jazbasyn jarıalady.
Ol óz paraqshasyna "Bir tal gúl beton tasty jaryp shyqty... Daıynsyzdar ma?" dep jazdy Erdoǵan.
Shilde aıynan bastap beta nusqasy iske qosylǵan T3 Foundation jáne Baykar qoldaýymen ázirlengen túrik ulttyq áleýmettik platformasyn 500 myńnan astam adam júktegen. Bul platformanyń basty erekshiligi túrik tiline negizdelip jasalǵan. Sondaı-aq T3 AI jasandy ıntellekt modeline saı jasalǵan platformadaǵy jazbalar men pikirlerge ýaqyty taldaý jasalady. Baykar Dırektorlar keńesiniń tóraǵasy Seljýk Baıraktar osy jobanyń negizin qalaǵan.
Atalǵan qosymsha App Store jáne Google Play túrik segmentinde tegin áleýmettik qoldanbalar sanatynda kósh bastap tur. Platformada tehnologıa, ǵylym, kúndelikti ómir men eldegi ózekti oqıǵalarǵa qatysty jazbalarǵa basa nazar aýdarylady.
