2022 jylǵy qarasha aıynyń qorytyndysy boıynsha qoǵamdyq tamaqtaný uıymdarynyń qyzmeti bir aıda 2,7%, bir jylda 23,4% qymbattaǵan. 

Bir aıda baǵa eń kóp ósken óńir Jetisý oblysy, munda qoǵamdyq tamaqtaný qyzmeti 13,9%-ǵa ósken. Odan keıin Shymkent pen Almaty oblysy: bir aıda tıisinshe 9,9% jáne 7,3%. Jeti óńirde baǵa ózgergen joq.

Jyldyq dınamıkada da baǵa eń kóp ósken óńir Jetisý oblysy: birden 44,7%. Sondaı-aq Shymkentte (40,3%) jáne elordada (38,5%) aıtarlyqtaı ósti. Baǵanyń eń az ósýi Almaty qalasynda baıqaldy: bir jylda 5,2%.

Qoǵamdyq tamaqtaný nysandarynyń ishinde asqana qyzmeti bir jylda 26,6%, fastfýd uıymdary qyzmeti – 17,1%, meıramhanalar, dámhanalar jáne uqsas mekemelerdiń qyzmeti 20,6% qymbattady. Onyń ishinde meıramhanadaǵy túski as baǵasy 19%, asqanadaǵy túski as 26,6% ósti.

Sonymen birge, 2022 jyldyń úshinshi toqsanynyń qorytyndysy boıynsha meıramhanalar men qoǵamdyq tamaqtaný nysandaryn jalǵa alý quny bir jylda 5% qymbattady. Mańǵystaý oblysynda baǵa birden 27,2%, Qaraǵandy oblysynda – 20,3%, Shymkentte – 8,4% ósti. Taǵy bes oblysta baǵa bir jyl burynǵy deńgeıde saqtaldy, al Atyraý oblysynda baǵa 0,6% paıyzǵa tómendegen.

Meıramhanany jalǵa alý baǵasy bir jylda 8,9%, asqanany jalǵa alý – 0,9%, dámhanany jalǵa alý – 3,4% qymbattady.

Derekkóz: Ranking.kz