Abaı oblysy boıynsha Sybaılas jemqorlyqqa qarsy qyzmet departamentiniń qyzmetkerleri «jylý berýshiler» tarapynan kásipkerlik qyzmetke zańsyz aralasýdy anyqtaǵanyn habarlady.

Bıznesmenderdiń ótinishterin zerdeleý barysynda «Teplokommýnenergo» MKK eki jyl boıy qurylys obektilerin qalany jylýmen jabdyqtaý jelisine qosýǵa tehnıkalyq sharttar berýden zańsyz bas tartqany áshkerelengen.

Bas tartý sebebi retinde qalalyq jylý jelisiniń ótkizý qabiletiniń bolmaýyn aıtqan.

"Bul rette, materıaldardy zerdeleý barysynda "Teplokommýnenergo" keıinirek júgingen basqa kásipkerlerge jylýǵa qosylýǵa ruqsat bergeni anyqtaldy.

Sybaılas jemqorlyqqa qarsy is-qımyl departamenti kásiporyn basshylyǵymen jáne ótinish bildirgen kásipkerlermen kóshpeli kezdesý ótkizdi. Eki kúnnen keıin Teplokommýnenergo dárihanaǵa jáne azyq-túlik dúkenine jylýmen jabdyqtaýǵa qosylýǵa tehnıkalyq sharttar berdi" delingen habarlamada.