Reseıdiń Ýkraınadaǵy basqynshylyǵy týraly maqala jarıalaǵan Arbat Media redaksıasyna Reseıdiń Lenın aýdandyq sotynan shaqyrý kelgen.

Basylymynyń jazýynsha, shaqyrý qaǵazynda "Roskomnadzordyń Vladımır oblystyq basqarmasy basylymdaǵy Ýkraınadaǵy soǵys týraly maqaladan shyndyqqa sáıkes kelmeıtin jáne saıası mándegi qoǵamdyq mańyzdy aqparat jaıly jalǵan málimet baryn anyqtady" dep jazylǵan.

Sot otyrysy 17 aqpanǵa belgilenip otyr.  Arbat.media portalynyń redaksıasy ózine taǵylǵan aıyppen kelispeıtinin, maqaladaǵy aqparattar tek resmı derekkózderden alynǵanyn aıtyp otyr.

Daýly maqalada Vladımır Zelenskııdiń Ýkraına qarýly kúshteri Harkov oblysynda birneshe eldimekendi Reseı áskerinen azat etkenin aıtqany, alaıda ony Reseı aqparat quraldaǵy teristegeni týraly jazylǵan.