Aqyn Oljas Súleımenov qurǵaly jatqan "Qazaqstannyń halyq kongresi" partıasynyń yntaly toby Ádilet mınıstrliginde tirkeýden ótti. Bul týraly yntaly top múshesi Nurlan Jazylbekov málim etti, dep jazady Forbes.kz saıty.
Nurlan Jazylbekovtyń aıtýynsha, bastamashyl top keshe, 31 qańtarda tirkelgen. Endi quryltaıǵa daıyndalyp jatyr.
Byltyr mamyrda Oljas Súleımenov Qazaqstan saıası alańynda 1992-1995 jyldar aralyǵynda jumys atqarǵan "Qazaqstannyń halyq kongresi" qoǵamdyq birlestigimen attas partıa quratynyn habarlaǵan.
Aqyn partıa jumysy til meselesi men jer ıelený quqyǵyna baǵyttalatynyn atap ótken. Ol búginde birde-bir memleket monotildi bola almaıtynyn, Qazaqstan da qazaq tili men orys tilin qatar damytýy kerektigin aıtqan. "Ýkraına orys tilin memlekettik til statýsynan aıyramyn dep memlekettiliginen aıyrylyp qala jazdady, biz buny eskerýimiz kerek" degen.
Pikir qaldyrý