"Qazmunaıgaz" ulttyq kompanıasy aksıonerlik qoǵamynda kadrlyq aýys-túıis bolyp, tóraǵanyń úsh jańa orynbasary taǵaıyndaldy. Bul týraly kompanıa baspasóz qyzmetiniń jetekshisi Dáýren Omarov habarlady.
Jańa taǵaıyndalǵan Dáýletjan Hasanov basqarma tóraǵasynyń orynbasary retinde operasıalyq aktıvterdegi munaı men gazdy barlaý jáne óndirý baǵytyna, olardyń tıimdiligin arttyrýǵa jáne odan ári damytýǵa, sondaı-aq QMG-niń resýrstar bazasyn keńeıtýge jáne ken oryndaryn tıimdi ıgerýge jetekshilik etetin bolady.
Buǵan deıin bul qyzmetti atqaryp kelgen Qurmanǵazy Esqazıev «Qalamqas teńiz - Hazar» teńiz jobasynyń basshysy laýazymyna aýysty. Sonymen qatar ol Aqtaýdaǵy «QazMunaıGaz» UK AQ ókildiginiń dırektory bolyp qala beredi.
Kelesi orynbasar Qýanysh Qudaıbergenov iri munaı-gaz aktıvterine jetekshilik etetin bolady. Bul qyzmetti atqaryp kelgen Murat Munbaev 2022 jylǵy jeltoqsan aıynda óz erkimen qyzmetinen ketken.
Basqarma tóraǵasynyń úshinshi orynbasary Serikqalı Brekeshev gaz jobalaryn damytý baǵytyna jetekshilik etedi. Ol buǵan deıin ekologıa, geologıa jáne tabıǵı resýrstar mınıstri laýazymyn atqarǵan.
Pikir qaldyrý