2023 jyly 18 sáýirde Almatyda Qazaqstannyń saıası reformalarynyń iske asyrylý barysyn halyqqa túsindirý úshin sarapshylar daıarlaý jónindegi respýblıkalyq Ádistemelik ortalyq aıasynda «Ulttyq biregeılik jáne memlekettik turaqtylyq» atty respýblıkalyq onlaın-semınar ótti.

İs-sharaǵa belgili qoǵam qaıratkeri, «Til janashyry» Asyly Osman, Abylaı han atyndaǵy Qazaq halyqaralyq qatynastar jáne álem tilderi ýnıversıtetiniń aǵa oqytýshylary, saıasattanýshy Rýslan Jaqypov pen «Barbang» Qazaqstan kúrdteri qaýymdastyǵynyń múshesi Mýrad Shamılov, óńirlik «Qoǵamdyq kelisim» KMM, Qazaqstan halqy Assambleıasynyń músheleri, etnomádenı birlestikterdiń ókilderi men jastar qatysty.

Onlaın-semınar barysynda Ulttyq biregeılik taqyryby jan-jaqty qaralyp, onyń damý kezeńderi týraly aıtyldy.

«Memlekettik turaqtylyǵymyzdyń negizgi ustyny – ulttyq jáne azamattyq biregeılikti qalyptastyrý bolyp tabylady. Árbir qazaqstandyq azamat osy mańyzdy uǵymdy óz boıynan ótkizip, sezinip, jáne qabyldaǵan jaǵdaıda búgingi jahandaný kezeńinde bizdiń elimiz óz ornyn nyq ıemdenedi», – dedi saıasattanýshy Rýslan Jaqypov.

Sonymen qatar qatysýshylar ulttyq biregeıliktiń bir ereksheligi – til ekendigin atap ótti. Olardyń aıtýynsha, qoǵamdy uıymdastyrýdyń basty quraldarynyń biri – memlekettik tildiń áleýeti zor jáne ony úıretý men qoldaný aıasyn arttyrý mańyzdy.

Aıta ketsek, onlaın-semınar Almaty qalasyndaǵy respýblıkalyq Dostyq úıi men Abylaı han atyndaǵy Qazaq halyqaralyq qatynastar jáne álem tilderi ýnıversıtetiniń bastamasymen uıymdastyryldy.