Shymkentte áriptesiniń uıaly telefonynan nesıe rásimdegen turǵyn bas bostandyǵynan aıyryldy. Bul týraly  Polisia.kz habarlady. 

Turan aýdanynyń turǵyny qymbat smartfonynyń urlanǵanyn aıtyp, polısıaǵa aryzdanǵan. Ol joǵalǵan smartfon arqyly bank qosymshasynan 1 mln-nan asa teńge kóleminde onlaın-nesıe rásimdelgenin málimdegen. Bul týraly jábirlenýshi barlyq mobıldi qosymshany jańa uıaly telefonyna júktegende bilgen. 

Tergeýshiler Qylmystyq kodekstiń 188-baby 2-bóligi boıynsha (Aqparattyq júıege zańsyz qol jetkizý arqyly jasalǵan urlyq) boıynsha tergeýdi bastady.

Krımınaldyq polıseıler kúdiktiniń kim ekenin anyqtady. Ol aryzdanýshynyń úıine túski asqa kelgen áriptesi bolyp shyqqan. Ury uıaly telefondy zańsyz ıemdenip, onymen nesıe rásimdegen.

Kúdikti sol kúni polısıa basqarmasyna jetkizildi. Tergeýshiler onyń urlanǵan smartfondy tanysyna satyp jibergenin anyqtady. Urlanǵan múlik zańdy ıesine qaıtaryldy.

Jınalǵan barlyq aıǵaqty polıseıler aıyptaý aktisimen birge sotqa jiberdi.

Sot úkimine sáıkes, qylmysty jasaǵan er adam 1 jylǵa bas bostandyǵynan aıyryldy.