Májilis depýtaty Samat Musabaev kópshiliktiń kókeıinde júrgen otandyq áýe kompanıalardyń saǵattap keshigý máselesin júıeli túrde kóterip keledi. Byltyr Májiliste "Kólik týraly" zańtalqylanǵanda, oǵan "Tasymaldaýshy tarap ushaq, poıyz, avtobýs quraldaryn keshiktirgen ár saǵatqa bılet qunynyń 3% ótemaqy retinde qaıtarýy tıis" degen túzetýdi Samat Musabaev pen Edil Jańbyrshın usynǵan bolatyn.

Depýtattyń aıtýynsha, ushaq, poıyz nemese avtobýs bir saǵat keshikse 3%, eki saǵatqa 6%, osylaısha qosyla beredi. Tipti, bulaı jalǵasa berse jolaýshy bılet qunyn tolyq qaıtaryp alýyna da múmkindik bar.

Zańǵa tıisti túzetýdi engizip, ushaqpen keshigip ushyp, ózi tájirıbeden ótken depýtat Samat Musabaev kompanıanyń resmı saıtyna kirip, shaǵym qaldyrý úsh qadamdyq jumys ekenin aıtady. Úsh saǵattan astam ýaqyt úshin bılet qunynyń 10% somasyn qaıtaryp alǵan depýtat bárin retimen túsindirgen.

1) Kompanıanyń resmı saıtyna kiresiz. Tikeleısilteme: help.airastana.com. Osy jerge tolyq aty-jónińizdi, bılet nómirin, reıs nómiri, ushý ýaqytyqanshaǵa keshikkeni jáne elektron poshtańyzdyjazasyz. Iaǵnı, shaǵym qaldyrasyz.

2) support@help.airastana.com - tutynýshylardyń qoldaý bóliminen jaýap keledi, "Sizdiń shaǵymyńyz tirkeldi" degen jaýap boladyjáne qosymsha anketa joldanady. Osy anketadaǵysuraqtarǵa jaýap beresiz. Aty-jónińiz ben aqshanyqaıtarý úshin esepshot nómirińizdi jazasyz.

3) "Ótinishińiz boıynsha talap etken ótemaqysomasy sizdiń shotyńyzǵa jiberildi" degenhabarlama keledi. Osylaısha, Siz Májilisqabyldaǵan zańnyń ıgiligin kóresiz!

Degenmen, Samat Musabaevtyń pikirinshe, bir reıspen 180 jolaýshy keletin bolsa, solardyńarasynan kompanıaǵa shaǵym túsirip, ótemaqytalap etetinder az.