"Qazgıdrome" RMK 2023 jylǵy 25 tamyzda bolatyn aýa-raıyna boljaý  jasady.

Qazaqstannyń basym bóliginde soltústik sıklon jyrasymen jáne atmosferalyq frontaldy bólimderinen turaqsyz aýa-raıy saqtalady, naızaǵaımen jańbyr, daýyl jáne jeldiń kúsheıýi kútiledi, burshaq jaýýy múmkin.

Elimizdiń soltústiginde, soltústik-batysynda qatty jańbyr jaýady. Qazaqstannyń soltústiginde, soltústik-batysynda túngi jáne tańerteńgi ýaqytta tuman bolady. QR ońtústik-batysynda shańdy daýyl bolýy múmkin.

Kúndiz Jetisý, Abaı, Almaty oblystarynda 35-37°S deıin qatty ystyq kútiledi.

Mańǵystaý, Túrkistan, Jambyl, Qyzylorda oblystarynda, Aqtóbe, Atyraý oblystarynyń batysynda, shyǵysynda, ońtústiginde, Qostanaı oblysynyń ońtústiginde, Jetisý oblysynyń batysy men ortalyǵynda tótenshe órt qaýpi kútiledi.

Batys Qazaqstan oblysynyń soltústiginde, ortalyǵynda joǵary órt qaýpi, oblystyń batysynda, shyǵysynda tótenshe órt qaýpi kútiledi. Almaty oblysynyń soltústik jartysynda tótenshe órt qaýpi, oblystyń ońtústik jartysynda joǵary órt qaýpi saqtalady.

Ulytaý, Abaı, Shyǵys Qazaqstan oblystarynda, Pavlodar oblysynyń batysynda,  Qaraǵandy oblysynyń ońtústiginde, ortalyǵynda joǵary órt qaýpi kútiledi.