Qyrǵyzstan Qazaqstan shekarasyndaǵy jaǵdaıǵa baılanysty Eýrazıalyq ekonomıkalyq komısıaǵa (EEK) júgindi. Soǵan baılanysty 24 tamyz kúni Eýrazıalyq ekonomıkalyq komısıanyń monıtorıń toby qyrǵyz-qazaq shekarasynda bolǵan.

"Qyrǵyzstan tarapy monıtorıńtik topqa Qazaqstandyq ótkizý pýnktteriniń jumysy aıtarlyqtaı tómendeýine baılanysty keptelis bolyp jatqanyn habarlady"– dep jazdy EEK.

Al Qazaqstan tarapy júk mashınalarynyń ótkizilýin eki-úsh mashınadan saǵatyna segiz-toǵyz mashınaǵa deıin ulǵaıtqanyn habarlandy. Eýrazıalyq ekonomıkalyq komısıa jaǵdaıdy baqylaýda ustamaq.

Eske salaıyq, birneshe kúnnen beri qazaq-qyrǵyz shekarasynda júk kólikteri qańtarylyp tur. Júrgizýshiler júk kólikteriniń Qazaqstanǵa kirgizilmeý sebebine qatysty túrli nusqa aıtady. Biraq kepteliske baılanysty resmı málimdeme jasalǵan joq.