Mamyr aıynyń sońynda “Úshqońyr sý sharýashylyǵy koleji” memlekettik komýnaldyq qazynalyq kásipornyn memlekettiń menshigine ótkizý týraly sot otyrysy ótti, dep habarlaıdy “Pátyı regıon”.

Bıbigúl Uzaqova basqaratyn Almaty oblysynyń qarjy basqarmasy 2022 jyldyń qyrkúıek aıynan bastap eks-prezıdenttiń ápkesi Ánıpa Ábishqyzy Nazarbaeva ıelik etetin “Ánıpa” jeke kásipkerligin sotqa berdi. İs materıaldary boıynsha kolej keıinnen satyp alý arqyly senimgerlik basqarýǵa ótken. Sot talapkerdiń aryzyn qanaǵattandyryp, shartty buzý týraly sheshim qabyldady.

“Almaty oblysynyń qarjy basqarmasy” respýblıkalyq memlekettik mekemesi men “Ánıpa” jeke kásipkeri Nazarbaeva Ánıpa Ábishqyzynyń arasynda jasalǵan “Úshqońyr sý sharýashylyǵy koleji” memlekettik komýnaldyq kásipornynyń 2016 jylǵy 7 shildedegi (nómiri) 3 komýnaldyq múlkin keıinnen satyp alý quqyǵymen senimgerlikpen basqarý sharty buzylsyn”, - delingen is materıalynda.

Sonymen qatar, sot Ánıpa Ábishqyzynan 3450 teńge memlekettik BAJ salyǵyn óndirý týraly sheshim qabyldady.