2040 jyly elimizde sý tapshylyǵy 15 mlrd tekshe metrdi quraıdy – B.Bazarbek

/image/2023/12/06/crop-7_5_162x287_img_0943.jpeg

Búgin Májilistiń jalpy otyrysynda depýtat Baqytjan Bazarbek premer-mınıstrdiń atyna sý máselesin kóterip, depýtattyq saýal joldady.

Dabyl qaǵatyn ýaqyt keldi. Mysaly 2040 jyly elimizde sý tapshylyǵy 15 mlrd tekshemetrdi quraıdy. Bul shamamen Aral teńizine para-par sý. Elimiz taza aýyz sý retinde paıdalanatyn sýdyń kólemi kemi 50% azaıady.Sonda árbir ekinshi meniń otandasym aýyz sýsyz qalady degen sóz emes pe?! Aýyz sýsyz adam 3 kún ǵana ómir súretin bilesizder. Bul óte qaýipti, – dedi depýtat.

Depýtattyń aıtýynsha, elimizdiń dalasy kóktemde kólge aınalsa, jazda shólge aınalady. Bul másele jyl saıyn qaıtalanyp otyrsa da, áli kúnge osy sheshiler emes.

Prezıdent Qasym-Jomart Toqaev sý tapshylyǵy máselesin der kezinde kóterip, arnaıy 20 jańa bógen salý men 3,5 myń shaqyrymdyq kanaldy jańǵyrtýdy tapsyrdy.Biraq, búgingi Úkimettiń salǵyrt ári baıaý qımylynan jaqyn arada Qazaqstandaǵy sý tapshylyǵy máselesi sheshimin tappaıtyndaı kórinedi. Oǵan birneshe dálelimiz bar, – dedi.

Resmı derekter boıynsha, elimizde 1478 gıdrotehnıkalyq qurylǵy bar. Onyń ishinde 342 – sý qoımasy, 219 – damba, 119 – sý toraby, 313 – toǵan bar. Olardyń 333 respýblıkalyq menshikte, 895-i – komýnaldyq menshikte, al eń qyzyǵy 228-i jeke menshikte bolsa, 22-i – ıesiz eken.

Sý qoımalary eń basty strategıalyq nysan. Sondyqtan elimizdegi mundaı mańyzdy sý saqtaý nysandarynyń kópshiliginiń jekeleshelenip ketkendigi bizdi qatty alańdatady. Sý qoımalary men kólderdińqojaıyndarynyń ne istep, ne qoıyp jatqany belgisiz. Olardyń qanshalyqty tozyǵy jetip tur, ony nyǵaıtý boıynsha qandaı sharalar qolǵa alynǵan, ol jaǵy da beımálim. Jeke menshik nysan bolǵannan keıin onyń aýmaǵyna eshkim bas suqpaıdy. Memlekettik baqylaýdan da tys qalýda, – dedi Bazarbek.

Depýtat sý paıdalanýdaǵy kelesi bir mańyzdy nysan – kanaldar ekenin aıtty.

«AMANAT» partıasy janynan arnaıy komısıa qurý qajet dep sanaımyn. Partıanyń «Jer amanaty» aıasynda jaıylymdyq jerlerdi memleket menshigine qaıtarýdaǵy tabandy is-áreketi kópke belgili. Osy tájirıbeni kanaldarǵa qatysty da qoldanýǵa ábden bolady, – dedi.

Bazarbek máselelerdiń mańyzdylyǵyn eskere otyryp, elimizdegi jeke menshikke ótip, biraq qaraýsyz qalǵan, jumystary úılestirilmegen sý qoımalaryn, dambalardy, kólderdi, bógenderdi jáne taǵy da basqa strategıalyq mańyzdy sý nysandaryn memleket balansyna qaıtarý sharalaryn qolǵa alý qajettiligine toqtaldy. Sondaı-aq, osy salada zańsyzdyqqa jol berip, talapqa baǵynbaıtyndar qatań jazaǵa tartylýy tıis dep esepteıtinin aıtty.

Qatysty tegter :

Pikir qaldyrý

Qatysty Maqalalar