Qoǵamda rezonans týdyrǵan másele osylaısha ońaı sheshile saldy. 

Bas prokýratýranyń qoǵamdyq múddelerdi qorǵaý qyzmeti basshysynyń orynbasary Sáken Sámet bul jaǵdaılarda ákimshilik jaýapkershilikke tartý tıimdirek ekenin aıtady.

Eske salaıyq, Ádilet mınıstrliginde depýtat Asqat Aımaǵambetov áıelder men balalardyń quqyqtaryn qorǵaýǵa qatysty zań jobasyna depýtattar engizýdi usynyp otyrǵan normalarmen tanystyrdy. Onyń ishinde uryp-soǵý jáne densaýlyqqa jeńil zıan keltirý jaǵdaılary boıynsha ishinara qylmystyq jaýapkershilikke tartý, pedofılıa úshin ómir boıyna bas bostandyǵynan aıyrý, jumys ornynda qysym kórsetkeni úshin qylmystyq jaýapkershilikti engizý jáne t.b. bar. Keıin Premer-Mınıstr Álıhan Smaıylov usynylǵan normalardyń basym bóligi úkimet tarapynan qoldaý tapqanyn aıtty.

Senattaǵy talqylaý barysynda Sáken Sámet polısıaǵa kún saıyn turmystyq zorlyq-zombylyq týraly 300-ge jýyq habarlama kelip túsetinin aıtty. 11 aıda osyndaı faktiler boıynsha 58 myń azamat ákimshilik jaýapkershilikke tartylsa, 819 adam qylmystyq jaýapkershilikke tartylǵan. 

– Qoǵam taǵy da turmystyq zorlyq-zombylyqty qylmystyq jaýapkershilikke tartýdy talap etip otyr. Petısıaǵa qazirdiń ózinde 150 myńnan astam qol jınaldy. Bizdiń akademıa ǵylymı zertteý júrgizdi, biraq olardyń qorytyndysy boıynsha bul quqyq buzýshylyqtardy qylmystyq jaýapkershilikke tartýdyń qajeti joq ekendigi belgili boldy. Óıtkeni, buǵan deıin bul ózgerister ákimshilik quqyq buzýshylyq týraly kodeksten qylmystyq kodekske tórt ret kóshken. Qylmystyq kodekste bolǵan kezde uzaq prosesýaldyq áreketterge baılanysty jábirlenýshiler agresıaǵa shydaýǵa májbúr boldy, tıisinshe, shaǵymdar nomenklatýralyq is retinde esepten shyǵaryldy, al qol kótergender jazadan qutylyp ketetin, – deıdi Sáken Sámet.

Aıtýynsha 1 shildeden bastap biz deklarasıalaýdan jeke basyn anyqtaý rásimine kóshken. Endi zorlyq-zombylyq jasaýshy adamdy jazalaý úshin jábirlenýshiniń aryzy talap etilmeıtin kórinedi. Sonymen qatar QR ÁQBtK qaıta tatýlasý múmkindigin joqqa shyǵarady. Nátıjesinde, olardyń sany tórt esege ósken. 

Bir sózben aıtqanda qazirgi ákimshilik prosedýra áldeqaıda tıimdi bolmaq. Atalǵan jaǵdaı birer apta ýshyǵyp turǵanynan qaramastan bul másele sý sepkendeı basyldy. Aıkanyń tizimindegilerdi synap, taldap úlgermeı jatqan halyq zorlyq-zombylyqqa qatysty zań ózgergenin ańdamady da.