Qazaqstan Prezıdentiniń baspasóz qyzmeti Elbasy Nursultan Nazarbaevtyń Fransıanyń «Le Fıgaro» gazetine suhbat bergenin habarlady.
Qazaqstan Prezıdenti Fransıanyń iri basylymynyń biri – «Le Fıgaro» gazetiniń tilshisi Reno Jırarýǵa suhbat berdi. Mem­leket basshysy elimizdiń ıadrolyq qarýdy taratpaý salasyndaǵy is-qımyly týraly áńgimelep, Ýkraınadaǵy qazirgi ahýal týraly jáne sonyń tóńiregindegi oqıǵalarǵa qatysty, sondaı-aq, Sırıa túıtkilin sheshý joldary jóninde pikirin bildirdi.
Atap aıtqanda, Qazaqstannyń atom energıasyn beıbit maqsatqa paıdalaný baǵytyndaǵy bastamalaryna qatysty Nur­sultan Nazarbaev ıadrolyq qarýdan bas tartý respýblıkamyzǵa aıtarlyqtaı kólemde sheteldik ınvestısıalar ákelýge jáne ekonomıkany jańǵyrtý úshin jaǵdaı týǵyzýǵa septigin tıgizgenin atap ótti.
Memleket basshysy Qazaqstanda Az baıytylǵan ýrannyń halyqaralyq qoryn qurý túrli elderdiń atom elektr stansalary úshin senimdi otyn kózin qamtamasyz eteti­nin, osylaısha asa baıytylǵan ýran alý múmkindigin jáne onyń áskerı maq­sat­ta qoldanylý qaýpin azaıtatynyn aıtty.
Osy oraıda, Qazaqstan Prezıdenti bul jobanyń komersıalyq paıda tabýǵa arnalmaǵanyna nazar aýdardy. «Eń bastysy, bul – Qazaqstannyń ıadrolyq qarýdy taratpaý isine qosqan kezekti úlesi», – dedi Memleket basshysy.
Mınsk úderisi aıasyndaǵy túrli tarap­tardyń áreketterine túsinikteme bere otyryp, Nursultan Nazarbaev Fransıa Pre­zıdenti F.Ollandpen kezdesýdiń negiz­gi taqyrybynyń biri ekijaqty ynty­maq­­tastyq máselelerimen qatar, Ýkraına daǵdarysy bolǵanyn eske saldy. Qazaqstan Prezıdenti fransýz bas­shysynyń sapary aldynda Ýkraınadaǵy qaqtyǵys órshı túskenin, biraq bul kezde ony retteý úshin naqty dıplomatıalyq qadamdar jasalmaǵanyn aıtty.
Nursultan Nazarbaev Mınskide ótken birlesken kezdesýdi uıymdastyrý múm­kin­digin talqylaý úshin kezegimen Germanıa, Ýkraına jáne Reseı basshylarymen kezdesti. Qazaqstan Prezıdenti túıtkildiń túıini búgingi tańda áli sheshilmegenin, biraq «Mınsk-2» kelisiminde Reseı men Ýkraına tarapynyń barlyq is-qı­myldary aıqyn jazylǵanyn aıtty. Nursultan Nazarbaev sondaı-aq, Reseıge qatysty sanksıalar aıtarlyqtaı nátıje bermegenin atap ótti.
«Bul sanksıalardan Ýkraına daǵ­darysyna esh qatysy joq adamdar – reseılik shaǵyn jáne orta bıznes ókil­deri, fransýz fermerleri japa shegýde. Saıasatty ekonomıkadan bólektegen jón. Fransıa qaqtyǵys aýmaǵyndaǵy shıelenistiń ýshyǵýyna jol bermeý jáne sanksıalar qataımaýy úshin bárin jasaýǵa tıis. Osy daǵdarysty sheshý úshin dıplomatıalyq qadamdardy jalǵastyrý qajet», – dedi Qazaqstan Prezıdenti.
Sırıadaǵy ahýalǵa qatysty Memleket basshysy bosqyndarǵa baılanysty búgingi daǵdarys osy eldiń isine ózge memleketterdiń barlyq halyqaralyq ýaǵdalastyqtarǵa qaıshy kele otyryp, orynsyz aralasýynan týyndaǵanyn atap aıtty. Nursultan Nazarbaev osyndaı áreketterdi doǵarý bul máselelerdi sheshýge múmkindik beredi degen pikir bildirdi.
Bul rette, Elbasy Astana bizdiń óńirde dıplomatıalyq hab bolý úshin barlyq múmkindikke ıe bolyp otyrǵanyna nazar aýdardy. Mysaly, Qazaqstan Azıadaǵy ózara is-qımyl jáne senim sharalary jónindegi keńes shaqyrýǵa bastamashy boldy, ol Qytaı, Úndistan jáne Pákistandy qosqanda, Azıanyń 30 elin biriktiredi. Sondaı-aq, Qazaqstannyń elordasynda elimiz bastamashylyq etken Álemdik jáne dástúrli dinder lıderleriniń sıezeri turaqty ótedi. Munda EQYU jáne IYU samıtteri de uıymdastyryldy.
«Iá, biz osy Batys pen Shyǵystyń arasyndaǵy shekarada, mazasyz óńirde dıp­lomatıalyq habqa aınalǵymyz keledi», – dedi Memleket basshysy.

"Qamshy "silteıdi

Derekkóz: Egemen Qazaqstan