Keshe Elbasy Nursultan Nazarbaev Qazaqstanǵa resmı saparmen kelgen Ýkraına Prezıdenti Petr Poroshenkomen kezdesti.
Kezdesý barysynda memleketter basshylary san túrli salalar boıynsha ýaǵdalastyqqa qol jetkizip, yntymaqtastyqty jandandyrý tóńireginde pikir almasty.
Kezdesý barysynda ta­rap­tar saýda-ekonomıka, kó­mir ónerkásibi, kólik-logıs­tıka jáne agroónerkásip keshe­ni salalaryndaǵy yntymaq­tas­tyqty nyǵaıtý joldaryn talqylady. Sonymen qatar, kún tártibindegi ózekti halyqaralyq máseleler tóńireginde, sonyń ishinde Ýkraınanyń ońtústik-shyǵysynda qalyptasqan ahýal men Mınsk ýaǵdalastyqtarynyń júzege asyrylý barysy týraly sóz qozǵady.
Qazaqstan Prezıdenti Nursultan Nazarbaev Petr Po­ro­­shen­konyń elimizge al­ǵashqy resmı saparyna iltı­pat bildire otyryp, bul kez­desý ekonomıkalyq yntymaq­tas­tyqty jaqsartýǵa, óńirlik jáne halyqaralyq máselelerge qatysty ustanymdardy eksheýge yqpal etetinin aıtty.
Ýkraına Prezıdenti óz kezeginde Qazaqstanǵa saparlap kelýge shaqyrǵany úshin Nursultan Nazarbaevqa alǵysyn bildire kele, eki eldiń arasynda saıası, ekonomıkalyq, mádenı-gýmanıtarlyq jáne áleýmettik baılanystar ornyqqanyn atap ótti. Ýkraına basshysy, sonymen qatar, túrli baǵyt boıynsha jan-jaqty yntymaqtastyqty jandandyrýǵa múddeli ekenine toqtala kele, Qazaqstan Pre­zı­dentiniń Ýkraınadaǵy turaq­tylyq pen beıbitshilikti saqtaý baǵytynda jumsap otyrǵan kúsh-jigerin joǵary baǵalady.
Kezdesýde Ýkraına Pre­zıdenti Nursultan Nazarbaevty Qazaq handyǵynyń 550 jyl­dy­ǵymen quttyqtap, eli­mizdiń tarıhı tamyrynyń te­reń­digin kórsetetin mereı­toı­dyń mańyzdylyǵyn atap ótti.
Prezıdentterdiń ekijaqty kezdesýi keńeıtilgen quramdaǵy kelissózben jalǵasty. Bul jıyn barysynda Elbasy Qa­zaq­stan men Ýkraınany dos­tyq jáne ózara qurmetke negiz­delgen tyǵyz tarıhı qarym-qatynastar baılanystyratynyna toqtaldy. Nursultan Nazarbaev Qazaqstanda búginde tegi ýkraın 300 myńnan astam azamat turyp jatqanyna, olar bizdiń qoǵamnyń bólinbes ból­shegi retinde elimizdiń damýyna zor úles qosyp otyrǵanyna toq­taldy. Bul rette meılinshe ózekti saıası jáne ekonomıkalyq yntymaqtastyq máseleleri talqylanǵan shaǵyn quramdaǵy kezdesýdiń nátıjeli bolǵanyn aıtty.
«Bizde kóp másele boıyn­sha tolyq túsinistik bar. Mem­leket­aralyq komısıanyń aldaǵy otyrysy barysynda barlyq negizgi baǵyttar egjeı-tegjeıli pysyqtalady. Búgingi bıznes-forým da isker toptarymyzdyń arasyndaǵy yntymaqtastyqqa óz úlesin qosatyn bolady. Qazir obektıvti sebepterge baılanysty taýar aınalymynyń tómendegenine, basqa da qıyn­dyqtarǵa qaramastan, biz yntymaqtastyǵymyzdy budan ári de nyǵaıta túsý úshin múm­kin­dikter taýyp otyrmyz», – dedi Nursultan Nazarbaev.
Ýkraına Prezıdenti óziniń sózinde tarıhı oqıǵa – Qazaq han­dyǵynyń 550 jyldyǵy mere­kelenip jatqan kezde saparlap kelýge shaqyrǵany úshin Nursultan Nazarbaevqa alǵys aıtty. Osylaı deı kele, ol bul kelissózder saýda-ekono­mıkalyq, gýmanıtarlyq, áleý­mettik jáne saıası seriktestikti jan­dan­dyrýǵa septigin tıgizeti­nine senim bildirdi. «Biz ekeýara kezdesýimiz barysynda elderimiz arasyndaǵy barlyq sala boıynsha baılanystarymyzdy jan-jaqty talqylaýǵa múmkindik aldyq. Men sizge elderimizdiń ara­syndaǵy senimge, ózara qur­metke negizdelgen saıası únqatysýdy damytýǵa degen nıetińiz úshin rızamyn. Biz Qazaqstan men Ýkraına qarym-qaty­nas­tarynyń áleýetin iske asy­ra alatynymyzǵa senim­dimin. Qazaqstannyń irgeli ha­lyq­aralyq quqyq pen egemendikti jáne shekaralyq tutastyqty qurmetteý qaǵıdattaryn berik ustanatyndyǵy, sizdiń eldiń halyqaralyq uıymdarda joǵa­ry ról atqaryp otyrǵany men úshin jáne búkil ýkraın halqy úshin asa mańyzdy. Qazaq­stannyń BUU, EQYU syndy ha­lyqaralyq uıymdardaǵy ar­naıy monıtorıńtik mısıa quramynda júrip, beı­bit­shilik pen turaqtylyqty qal­pyna keltirý baǵytyndaǵy usta­nymdaryn joǵary baǵalaı­myz. Bul jumystar Mınsk ýaǵ­dalastyqtaryn júzege asyrýǵa sózsiz yqpal etedi», – dep atap ótti Ýkraına Prezıdenti.
09-10-02
09-10-04
Sonymen qatar, P.Po­roshenko Qazaqstannyń saýda-ekonomıkalyq, ınvestısıalyq salalar boıynsha ekijaqty yntymaqtastyqty tereńdetýge qatysty ynta-nıetin quptaı­tynyn jetkizdi.
Budan keıin Qazaqstan men Ýkraına prezıdentteri ke­lissózderiniń qorytyndysyna arnalǵan birlesken baspasóz máslıhaty ótti. «Men ótken jyldyń jeltoqsan aıynda Kıevke arnaıy saparmen barsam, al búgin Ýkraına Prezıdentin Astanada qabyldap otyrmyz. Bul – bizdiń eki el arasyndaǵy dástúrli dostyq qarym-qaty­nasymyzdy damytýǵa degen nıetimizdiń aıǵaǵy, – dedi óz sózinde N.Nazarbaev. – Biz búgingi kelissózder barysynda ekijaqty qatynastardyń qazirgi ahýalyn talqyladyq, egjeı-tegjeıin qarastyrdyq. Birqatar halyqaralyq ózekti máseleler jóninde pikir almastyq. Yntymaqtastyqtyń yqtımal baǵyttary men pers­pek­tıva­larynyń jobalary jan-jaqty talqylandy». Osylaı deı kele, Elbasy Qazaqstan Ýkraınanyń ońtústik-shyǵysyndaǵy jaǵ­daıdy nazarda ustap otyrǵanyn atap ótti.
«Ózderińiz bilesizder, men qolymnan kelgenshe, Reseı men Ýkraına, basqa da eldermen kelissózder júrgizip, oryn al­ǵan qarama-qaıshylyqtardy beı­bit jolmen sheshý baǵy­tyn­daǵy jumystardy nazarda ustap kelemin. Kez kelgen qaqtyǵysty beıbit retteýdi eki jaq ta jaqtaıdy. Onyń basqa balamasy joq. Mınsk ýaǵda­las­tyqtary, jalpy alǵanda, oryn­dalyp jatqany bizdi qanaǵat­tandyrady. Ásirese, «nor­mand tórttiginiń» keıingi kezde­sýi úlken úmit uıalatty. Ýkraı­na úshin osyndaı kúrdeli kezeń­de biz gýmanıtarlyq kómek kór­setýdi jalǵastyratyn bolamyz.
Qazaqstan Ýkraınanyń oń­tústik-shyǵysyndaǵy halyqqa azyq-túlik máselesinde kómek kór­setip keledi. Bul is te jalǵasyn taba bermek. Halyqaralyq Qyzyl Kres jáne Chernobyldiń «Ýk­rytıe» qory arqyly da qarajat aýdarylatyn bolady. Jalpy, Qazaq­stan Ýkraına jerinde beıbitshilik ornap, eldiń damýy tynyshtyq pen qaýipsizdik jaǵdaıynda jal­ǵasqanyn qalaıdy», – dedi N.Nazarbaev.
Qazaqstan basshysy, sony­men qatar, kelissózder barysyn­da otyn-energetıka, agroónerkásip kesheni jáne aýyl sharýashylyǵy salalary sıaqty ózara is-qımyl­dyń basymdyǵy bar baǵyttary aıqyndalǵanyn aıtty. «Máselen, búginde eki el arasynda birlesken óndirister qurýǵa kóshý isin jandandyrý jóninde ýaǵdalastyqqa qol jetkizildi, bul elimizdiń ekonomıkany jedel ártaraptandyrý saıasatymen jáne Ýkraınanyń múddelerimen tolyq úndesedi. Son­­daı-aq, taraptar arasynda Ýk­raı­nanyń elektr stansalary­na qajet­ti kómir jetkizý jóninde de ýaǵda­lastyq bar», – dedi Nursultan Ábish­uly.
Birlesken málimdeme jasaý barysynda N.Nazarbaev qazirgi kezde birqatar ınvestısıalyq jobalardy daıyndaý jumystary júrip jatqanyna toqtaldy. «Ýk­raınalyq seriktester iskerlik baılanystardy nyǵaıtý úshin bar kúsh-jigerin jumyldyrady dep senemin. Qazaqstanda búginde – 415, al Ýkraınada 124 birlesken ká­siporyn jumys isteıdi. Biz Ýkraına tarapynyń Astanadaǵy EKSPO-2017 kórmesine qatysýy jó­ninde ýaǵdalastyq», – dedi Qazaq­stan Prezıdenti.
Elbasy eki el arasynda qa­lyptasqan mádenı-gýmanıtarlyq baılanystarǵa da nazar aýdardy. «Ózara stýdentter almasý jóninde kelisim jasaldy. Máselen, As­tanada Taras Shevchenkoǵa es­kert­kish ornatylady. Kıevte Abaıǵa eskertkish ashylady dep úmittenemiz, bul da eki eldi baılanystyratyn dáneker», – dedi Qazaqstan Prezıdenti.
Sóziniń sońynda N.Nazarbaev P.Poroshenko saparynyń qorytyndylaryna kóńili tolatynyn, onyń eki el arasyndaǵy yntymaqtastyq aıasyn keńeıtýge serpin beretinin aıtty.
Ýkraına Prezıdenti de kelis­sóz­der nátıjesi ekijaqty yqpaldas­tyqtyń jańa kezeńine jol asha­tynyn atap ótti. «Qazaq­stan – Ýkraınanyń jaqyn serik­tes­teriniń biri. Ol biz úshin «Azıa­ǵa ashylǵan tereze», al bizdiń el sizder úshin «Eýropaǵa ashyl­ǵan tereze» bolady dep úmitte­nemin», – dedi P.Poroshenko óz sózinde. Sonymen qatar, Ýkraına basshysy eki eldiń qarym-qaty­nas­tary búginde bıik deńgeıde eke­nine toqtaldy. «Memleket bas­shylarynyń, úkimetterdiń jáne halyqtarymyzdyń arasynda senim, ózara qoldaý bar», – dedi Ýkraına Prezıdenti. P.Poroshenko, sondaı-aq, óziniń Astanaǵa jasaǵan sapary barysynda qabyldanǵan, 2015-2017 jyldarǵa arnalǵan is-qımyl josparynda aıqyndalǵan qadamdar birqatar sala boıynsha ózara tıimdi yntymaqtastyq ornatýǵa múmkindikter týǵy­zaty­nyna senim bildirdi. Buǵan qosa, Ýkraına Prezıdenti eki el basshylary Qazaqstan men Ýkraınanyń ózara naqty is-qımylyn joǵary tehnologıalyq jobalarǵa ulas­tyrý arqyly nyǵaıtý isine nazar aýdarǵanyn aıtty.
Sóziniń sońynda P.Poroshenko eki eldiń isker toptary ókilderiniń qatysýymen ótetin bıznes-forým saýda-ekonomıka salasyndaǵy áleýetti arttyrýǵa jol ashatynyna senim bildirdi.
Kezdesýler aıaqtalǵan soń memleketter basshylary kelis­sózderiniń qorytyndysy boıynsha Birlesken málimdemege, sondaı-aq, 2015-2017 jyldarǵa arnalǵan Qazaqstan – Ýkraına is-qımyly josparyna qol qoıdy.
Nursultan Nazarbaev pen Petr Poroshenko tús aýa Astananyń kórikti oryndaryn aralady. Elbasy jáne elimizge resmı saparmen kelgen Ýkraına Pre­zı­denti Petr Poroshenko «Qazaq­stan» ortalyq konsert zalyna, Tuńǵysh Prezıdent kitap­hana­syna, «Astana Opera» mem­le­kettik opera jáne balet tea­try­na bardy.

Derekkóz: Egemen Qazaqstan