Qazaqstan fýtbol federasıasynyń prezıdenti Ádilet Barmenqulov ulttyq quramanyń bas bapkeri bolyp saılanǵan Stanıslav Cherchesov pen oǵan qazaq tilinde suraq qoıǵan jýrnalıske qatysty bolǵan jaǵdaıǵa pikir bildirdi. Bul týraly Sport24.ru portaly jazdy. 

"Stanıslav Cherchesovke qazaq tilin bilýdiń qajeti joq, eń bastysy — bizdiń mentalıtetimizdi, dástúrimiz ben mádenıetimizdi túsiný. Ol qazaq tilinde qysqasha dıalog ornatyp, amandasa alýy mańyzdy ekenin túsinýge tıis. Cherchesovten bizdiń tilimiz ben dástúrimizdi qurmetteý ǵana talap etiledi, al ol óz kezeginde qazaqstandyq fýtboldy damytý úshin baryn salady" - dep málimdedi Ádilet Barmenqulov. 

Sondaı-aq, ol Cherchesovtyń qazaq tilin úırenýi týraly másele bolmaǵanyn aıtty. 

"Cherchesovtyń qazaq tilin úırenýi boıynsha eshqandaı másele joq jáne bizdiń jýrnalıser ony qabyldady. Menińshe, bul jaǵdaıda bireýdiki qate, bireýdiki durys deı almaımyz. Stanıslav Salamovıchtiń ózindik bolmysy bar jáne muny bári jaqsy túsinedi. Bizde "basy qatty bolsa, aıaǵy tátti bolady" degen sóz bar. Biz, qazaqtar, barlyǵyna qurmet kórsetemiz", - dedi Barmenqulov. 

Eske sala keteıik, Magomed Adıev Qazaqstan quramasynyń bas bapkerliginen ketkennen keıin onyń ornyna Stanıslav Cherchesov taǵaıyndalǵan bolatyn. Keıin Stanıslav Cherchesov Astanada ótken baspasóz máslıhatynda ózine qazaq tilinde suraq qoıǵan jýrnalıspen sóz talastyryp qalǵan edi.