Almatyda Qala kúnine oraı «Almatynyń sımvoly – syılyqqa» atty aksıa ótti. İs-sharany Almaty qalasynyń Týrızm basqarmasy, Almaty halyqaralyq áýejaıy jáne QR UQK Almaty qalasy Shekaralyq baqylaý basqarmasy birlesip uıymdastyrdy.

Pasporttyq baqylaý aımaǵynda halyqaralyq reısterdiń jolaýshylaryna Almatynyń jylýy men qonaqjaılylyǵyn bildiretin «aport» surypty almalar usynyldy. Aksıa shamamen 10 myń jolaýshyny jáne 50-den astam reısti qamtydy.

Qalalyq týrızm basqarmasynyń málimetinshe, bundaı aksıalardy ótkizý Almatyny týrısik baǵyt retinde tartymdy etýde mańyzdy ról atqarady.

«Almaty Ortalyq Azıanyń qarjylyq, saýda-ekonomıkalyq jáne mádenı-bilim berý ortalyǵy. Qala tabıǵı resýrstarymen, baı tarıhı, mádenı murasymen týrıserdi tartady. Munda halyqaralyq deńgeıdegi iri festıválder men konsertter ótedi.

«Almatynyń sımvoly – syılyqqa» aksıasy sheteldik týrıserdi qalanyń dástúrimen, mádenıetimen tanystyrýda alǵashqy oń áser qaldyrýdy kózdeıdi», - dep atap ótti uıymdastyrýshylar.