Otbasynda balany jastaıynan úlkenderge, ata-analarǵa qurmetpen qaraýǵa úıretedi. Bul urpaqtar baılanysyn jáne dástúr sabaqtastyǵyn saqtaýǵa yqpal etedi. 

Qarttar kúni – egde jastaǵy adamdardyń memleket pen qoǵam aldyndaǵy eńbegin erekshe qurmetteýdiń, sondaı-aq qarttarǵa qoldaý kórsetý, olardyń turmysyn jaqsartý men ómir súrý uzaqtyǵyn arttyrý sıaqty máselelerge nazar aýdarýdyń sımvoly. 

Aǵa býyn ókilderiniń ómirlik tájirıbesi men danalyǵy baǵa jetpes qundylyq, olardyń kóptegen jetistikteri – jastarǵa úlgi. Belsendi uzaq ómir súrý jobalary qazaqstandyq qarttardyń eldiń qoǵamdyq ómirine barynsha uzaq ýaqyt qatysýyna septigin tıgizedi, olardyń ómirin qyzyqty etedi. 

Eń bastysy – qarıalarǵa kóńil bólý, balalar men nemerelerdiń, týǵan-týystar men jaqyndardyń súıispenshiligi men qamqorlyǵy. Qarttarymyz aman júrsin!