Almatyda 7-11 qazan aralyǵynda nysandardy ortalyq jylý júıesine qosý josparlanyp jatyr.
Birinshi kezekte, jylý áleýmettik mekemelerlerge, onyń ishinde balabaqshalarǵa, mektepterge jáne medısınalyq-áleýmettik nysandarǵa beriletin bolady. Qazirgi kezde jylytý maýsymyna daıyndyq 99%-dy quraıdy.
"AlTS" JSHS qazirdiń ózinde aınalym rejımin iske qosýǵa daıyn, bul qajet bolǵan jaǵdaıda jylý berýdi jedel bastaýǵa múmkindik beredi.
Komýnaldyq kásiporyn materıaldyq – tehnıkalyq bazadan bastap brıgadalarǵa arnalǵan arnaıy tehnıka men kıimge deıin barlyq qajetti zattarmen tolyq jabdyqtalǵan, olar yqtımal avarıalar men tehnologıalyq irkilisterdi joıýmen aınalysatyn bolady.
Almaty ákimi Erbolat Dosaevtyń tapsyrmasy boıynsha bıyl jylytý maýsymyna daıyndyq aıasynda qalanyń alty aýdanynda 20 km jylý jelileri qaıta jańartyldy.
Mamandar jelilerdi synaý men jóndeýdi sátti aıaqtap, sorǵy jabdyqtaryn jańartty. Barlyǵy 69 sorǵy stansıasy jáne 24 rezervýar-akkýmýlátor daıyndaldy, bul ystyq sý jelisindegi eń joǵary júktemelerdi teńestirýge múmkindik beredi.
Aqaýlardy jedel joıý úshin 2024-2025 jyldarǵy jylytý maýsymynda qajet apatty materıaldar men jabdyqtar qory jasalǵan.
Apatty jaǵdaılar kenetten bolǵan kezde olardy joıýmen 16 apatty jáne jóndeý brıgadalary jumys jasaıdy , olardyń quramynda 220 adam men 56 tehnıka bar. Sonymen qatar 33 ýchaskeniń paıdalanylatyn jeti aýdanyndaǵy 714 adam jumys isteýge daıyn.
Eske salaıyq, Almatyda jylytý maýsymy ádette 15 qazannan bastalady, bul kezde syrtqy aýanyń ortasha táýliktik temperatýrasy bes kún ishinde +8 gradýsqa deıin nemese odan tómen túsedi. Osydan keıin jergilikti atqarýshy organdar jylytý maýsymyn bastaý týraly sheshim qabyldaıdy. Ótken jyly jylý 10 qazannan bastap berilgen bolatyn.

Oqı otyryńyz: Tórt óńirde jylytý maýsymy bastaldy: qalǵan oblystarǵa jylý qashan beriledi

Jylýdy qosý kezeń kezeńimen júredi:

Áleýmettik nysandar (balabaqshalar, mektepter, medısınalyq mekemeler);
Turǵyn úıler, jataqhanalar, qonaqúıler;
Ákimshilik ǵımarattar, oqý oryndary, teatrlar;
Basqa ǵımarattar.

Tutynýshylarǵa energıa berýshi uıym jylytý maýsymynyń bastalǵany týraly habarlaıdy, al apattyq jáne servıstik qyzmetter obektilerde jylýdy qosý jónindegi nusqaýlyqtardy alady.