Ýkraına prezıdenti Vladımır Zelenskıı Kıevte baspasóz konferensıasyn ótkizip, joǵary deńgeıde kezdesý ótkizý týraly reseıliktermen baılanysy joq ekenin, barlyq proses seriktester arqyly júrip jatqanyn málimdedi. Onyń aıtýynsha, Vashıngtondaǵy kezdesýde Ýkraına soǵysty dıplomatıalyq jolmen toqtatýǵa daıyn ekenin naqty jarıalaǵan. 

«Bizde orystarmen eshqandaı kelisim joq. Biz prezıdent Tramppen kelistik. Ol – meniń oıymsha, búgingi kúni Pýtındi toqtata alatyn birden-bir adam. Tramppen kezdeskende dıplomatıalyq sheshimdi durys dep tańdadyq. Basynda úshjaqty kezdesýge toqtaǵanbyz. Biraq ol artynsha reseılik tarappen sóılesip, aldymen ekijaqty kezdesý ótkizýdi usyndy. Ýaqyty men orynyn sóılesý kerek ekenin aıtty», - deıdi Zelenskıı.

Zelenskıı ózin keıbireýlerdiń «soǵysty toqtatýǵa qarsy adam» dep kórsetpesi úshin atalǵan shartqa keliskenin aıtady.

«Men daıyn ekenimizdi aıttym. Úshjaqty kezdesý bolǵany durys edi. Biraq Tramp osy formatty durys degen soń ony da qoldap otyrmyz. Odan keıin úshjaqty kezdesý bolady», - dedi Zelenskıı.