Memleket basshysy «Qazaqstan Respýblıkasynyń Básekelestikti qorǵaý jáne damytý agenttiginiń keıbir máseleleri týraly» Qazaqstan Respýblıkasy Prezıdentiniń 2020 jylǵy 5 qazandaǵy № 428 Jarlyǵyna tolyqtyrýlar engizý týraly Jarlyqqa qol qoıdy. 

QR Básekelestikti qorǵaý jáne damytý agenttiginiń jańa ókilettiligi Jarlyq boıynsha kelesi tarmaqtardy qamtıdy:

15-tarmaq mynadaı mazmundaǵy 44-4), 84-4), 84-5), 84-6), 84-7) jáne 84-8) tarmaqshalarmen tolyqtyrylsyn:

«44-4) usynylatyn (uzartylatyn) salyqtyq jeńildikti kelisý;»;

«84-4) memlekettik saıasatty qalyptastyrýǵa qatysý jáne kóleńkeli ekonomıkaǵa qarsy is-qımyl boıynsha sharalar qabyldaý;

84-5) Qazaqstan Respýblıkasynyń zańnamasyna sáıkes jumyldyrý daıyndyǵy jáne jumyldyrý salasynda is-sharalardy uıymdastyrý jáne ótkizý;

84-6) aqparattyq-kommýnıkasıalyq tehnologıalar jáne aqparattyq qaýipsizdikti qamtamasyz etý salasyndaǵy biryńǵaı talaptardyń, derekterdi basqarý jónindegi talaptardyń saqtalýyn qamtamasyz etý;

84-7) ázirlengen memlekettik qupıalardyń Qazaqstan Respýblıkasynyń zańnamasyna sáıkes, onyń ishinde ózine vedomostvolyq baǵynysty uıymdarda da qorǵalýyn qamtamasyz etý;

84-8) retteletin salada memlekettik qyzmetter kórsetý tártibin aıqyndaıtyn zańǵa táýeldi normatıvtik quqyqtyq aktilerdi ázirleý jáne bekitý;».

Jarlyq 1-tarmaqtyń 2026 jylǵy 1 qańtardan bastap qoldanysqa engiziletin tórtinshi jáne besinshi abzastaryn qospaǵanda, osy Jarlyq alǵashqy resmı jarıalanǵan kúninen keıin kúntizbelik on kún ótken soń qoldanysqa engiziledi.