Qazaqstan Respýblıkasynyń Prezıdenti Qasym-Jomart Toqaev Qyrǵyz Respýblıkasyna resmı sapary barysynda prezıdent Sadyr Japarovpen birge el astanasy Bishkek qalasynda ornalasqan № 33 Kemel Toqaev atyndaǵy mektep-gımnazıany aralap kórdi.
Aqordanyń Telegram-arnasynda bul týraly mynadaı aqparat berilgen:
«Bul ǵımaratta Uly Otan soǵysy jyldary Frýnze jaıaý ásker ýchılıshesi ornalasqan. Qazaqstan Prezıdentiniń ákesi – soǵys ardageri, jazýshy Kemel Toqaev dál osy jerden maıdanǵa attanǵan.
Bilim oshaǵyna K.Toqaev esimin berý týraly bastamany Prezıdent Sadyr Japarov bıyl mamyr aıynda kótergen bolatyn.
Memleket basshysy bilim ordasynyń ustazdarymen jáne oqýshylarymen áńgimelesti».
