IRONMAN trıatlony týraly shaǵyn derekti fılm jaryq kórdi. Paıymdaýymyzsha, fılmdi sheteldik túsirilip toby ázirlegen. Al ony Qazaqstannyń birinshi prezıdenti Nursultan Nazarbaevtyń úlken nemeresi Nurálı Alıev óziniń YouTube arnasyna jarıalady.
Alıevtiń aıtýynsha, jańa sporttyq is-sharaǵa daıyndyq ońaı ótpegen. Biraq árbir daıyndyqtan soń erekshe qanaǵattaný sezimi bolatynyn jetkizedi. Sondaı-aq, trıatletter qaýymdastyǵyndaǵy erekshelikter týraly da baıandalǵan.
Nurálı Alıev fılmde óziniń balasy Anýardy da kórsetip, sportqa baýlyp júrgenin, balalardyń óskeni men olardyń qyzyǵýshylyqtaryna kóp ýaqyt arnaýǵa tyrysatynyn aıtady.
Áleýmettik jelide jurtshylyq Nurálı Alıev pen onyń jubaıy Aıda Alıevanyń medıa keńistiktegi belsendiligine qatysty túrli pikirler aıtýda.
