Soltústik Koreıa ólim jazasy taǵaıyndalatyn qylmystar tizimin keńeıtip jatyr. 

Endi memleketke qarsy úgit-nasıhat júrgizgen ne qarýdy zańsyz óndirip, paıdalanǵan adamdar eń aýyr jazaǵa tartylady.
Koreı halyq demokratıalyq respýblıkasynyń bıligi 2020 jyly Ońtústik Koreıa usynǵan medıa kontentti kórýge, sáıkesinshe taratýǵa tyıym salǵan. Sebebi olar kórshileri shyǵarǵan ónimge "kontrrevolúsıalyq" dep baǵa bergen. Sondyqtan, jaýapkershilik te joǵary. Demek, birden ólim jazasyna kesilýi múmkin.

Sonymen qatar aq tústi toı kóılekteri men kók djıns kıýge bolmaıdy. Óıtkeni, bul eldiń ıdeologıalyq tazalyǵyna nuqsan keltiredi eken. Demek, "kertartpa qylyq" esebinde qarastyrylýy yqtımal.
Tyıymdar tizimi munymen bitpeıdi. Soltústik Koreıa halqy hat almasqanda kórshi eldiń slengtaryn qoldana almaıdy.  Budan bólek, kúnnen qorǵaıtyn kózildiriktiń keıbir úlgilerin taǵýǵa, sharap ishýge arnalǵan staqandardy qoldanýǵa qatysty shekteýler engizilgen qoldanýǵa qatysty shekteýler engizilgen.