1 qazan kúni túngi saǵat 22:00 shamasynda sot otyrysy ótip, jeksenbi kúni ustalǵan 6 belsendini 2 aıǵa qamaýǵa alý týraly sheshim shyqqan.
Qamaýǵa alynǵan Nurlan Jaýlybaev, Nurlan Temirǵalıev, Janat Qazaqbaı, Fazyljan Syzdyqovtardy advokat Tólegen Berliqoja qorǵaıtyn boldy. Al Aıdar Múbarakovty advokat Ǵalym Nurpeısov qorǵaýyna aldy. Altynshy adamnyń aty-jóni ázirge belgisiz. Ol Erbolat Áýbákirov bolýy múmkin degen de boljam bar. Sebebi, jeksenbi kúni ustalǵanymen onyń ózimen de, týystarymen de baılanys joq.
Qamalǵan belsendilerdiń úsheýi 60-tan asqan egde jastaǵy kisiler. Olar: Nurlan Jaýlybaev, Janat Qazaqbaı jáne Fazyljan Syzdyqov.
- 54 jastaǵy Nurlan Temirǵalıevtiń de densaýlyǵy nasharlap emdelip júrgen eken. Densaýlyqtary nashar, únemi dári iship júretin kisilerdi úıqamaqqa shyǵara ma degen úmit bolǵan, - deıdi qoǵam belsendisi Abzal Dostıarov.
Aıta ketsek, jeksenbi, 29 qyrkúıekte Almatyda 12 belsendi jınalǵan. Olar Qazaqstanda AES-tiń salynýyna qarsy shyqty. Onyń altaýy qolhatpen bosatylsa, altaýyn polısıa alyp ketken.
Pikir qaldyrý