Qytaı Qazaqstanǵa qazirgi baǵam boıynsha 100 mıllıon ıýán, ıaǵnı 7,5 mıllıard teńge kóleminde óteýsiz grant beredi. Tıisti qaýly jobasy "Ashyq NQA" saıtynda jarıalandy, dep jazady Qamshy.kz aqparat agenttigi.
Kelisim-shart talaptaryna sáıkes Qytaı Qazaqstanǵa 100 mıllıon ıýán (7,5 mıllıard teńge nemese shamamen 14 mıllıon dollar) kóleminde grant beredi. Qarajat Qazaqstan Respýblıkasynyń ǵarysh salasyn damytýǵa baǵyttalady.
Basqa maqsattardyń qatarynda elder arasyndaǵy tehnıkalyq-ekonomıkalyq yntymaqtastyqty damytý jáne Qazaqstanǵa qosymsha ınvestısıa tartý bar. Qaýly jobasy 24 tamyzǵa deıin qoǵamdyq talqylaýda bolady.
