Halyqaralyq fýtbol federasıasynyń (FIFA) kongresinde 2030 jáne 2034 jyldary álem chempıonattary ótetin oryndar resmı túrde jarıalandy.

2030  jylǵy fýtboldan álem chempıonaty úsh kontınentte, alty memlekette ótpek. Jarys qojaıyndary Marokko, Portýgalıa jáne Ispanıa bolady. Condaı-aq tarıhtaǵy tuńǵysh álem chempıonatyna 100 jyl tolýyna oraı taǵy úsh oıyn Ýrýgvaı, Paragvaı jáne Argentınada ótedi. Al tórt jyldan keıin álem chempıonaty – 2034 Caýd Arabıasynda bolady. Týrnır eldiń 5 qalasyndaǵy 15 stadıonda ótedi dep josparlanyp otyr. Alǵashynda 2034 jylǵy álem birinshiligin qabyldaýǵa Aýstralıa da úmitker bolǵan edi. Biraq keıin jarysty ótkizýge ótinish berýden bas tartqan. Aıta keteıik, 2026 jylǵy fýtboldan álem chempıonaty 11 maýsym men 19 shilde aralyǵynda AQSH, Meksıka jáne Kanadada ótedi. FIFA-nyń fýtbol shekarasyn keńeıtý baǵdarlamasy aıasynda jarysqa alǵash ret 48 qurama qatyspaq. Qazaqstan komandasynyń álem chempıonatyna eýropalyq irikteý kezeńindegi qarsylastary 13 jeltoqsanda anyqtalady.