Qazaqstanda aıyppul salmaý úshin qozǵaltqyshty qansha ýaqytta jylytý keregi anyqtaldy.

Zertteýler kórsetkendeı, kóptegen kólik úshin maıdyń búkil júıege birkelki taralýy úshin 1-2 mınýt jetkilikti. 5 mınýttan uzaq qyzdyrý tek otyn shyǵynyn jáne zıan zattar shyǵaryndysyn arttyrýy múmkin.

Jol qozǵalysy erejesiniń 88-baby 5-tarmaǵyna sáıkes, eger bul turǵyndarǵa qolaısyzdyq týǵyzsa, eldi mekenderde qozǵaltqyshy jumys istep turǵan avtokólik quraldaryn qoıýǵa tyıym salynady. Bul erejelerdi buzý ákimshilik jazaǵa ákelýi múmkin. Jol qozǵalysy erejesiniń 17-taraýynyń 122-baby 4-tarmaǵynda da osyndaı talap bar. 

Osyǵan uqsas talap Jol qozǵalysy erejesiniń 17-taraýynyń 122-tarmaǵynyń 4-tarmaqshasynda da bar.

Osylaısha, eger kólik quraly qozǵaltqyshy jumys istep turǵan kezde bes mınýttan astam tursa jáne bul turǵyndarǵa qolaısyzdyq týdyrsa, onda bul jaǵdaıda ákimshilik quqyq buzýshylyq týraly kodekstiń 597-babynyń 1-bóliginde (Kólik quraldaryn toqtatý nemese toqtap turý qaǵıdalaryn buzý) kózdelgen quqyq buzýshylyq belgileri qarastyrylady. Bul buzýshylyq úshin aıyppul 5 AEK (19 660 teńge), al qaıtalap jasaǵany úshin 10 AEK (39 320 teńge) bolady.

Tártip buzýshylardy jaýapkershilikke tartý úshin memlekettik tirkeý nómirlerin, kúni men ýaqytyn kórsetip, uzaqtyǵy 5 mınýttan asatyn vıdeo túsirý qajet.