Búgin Úkimet Qazaqstannyń memlekettik qaryzy 39,1 trln teńgege jetkenin habarlady. Bul – jalpy ishki ónimniń (JİÓ) 21,1%-y. Qarjy mınıstri Mádı Takıev Úkimet otyrysynda osyndaı málimet keltirdi.
Shyn máninde, Qazaqstannyń jalpy syrtqy qaryzy 170,5 mlrd dollardan, ıaǵnı 88 trln teńgeden asady. Osyndaı málimetti ótken aptada ǵana Ulttyq bank jarıalaǵan. Bul 2025 jylǵy 1 sáýirdegi jaǵdaı.
Tákıev jalpy ishki ónimniń ósý qarqyny týraly aıtty. Onyń pikirinshe, sonyń arqasynda oń dınamıka saqtalǵan. Eger 2020 jyly memlekettik qaryz mólsheri JİÓ-niń 29,2% qurasa, 2024 jyly ol 23,5% bolǵan.
– Osylaısha, memlekettik qarjyny basqarýdyń 2030 jylǵa deıingi tujyrymdamasynda belgilengen JİÓ-ge 32% -dyq memlekettik qaryz lımıti saqtalady, – dep sendirdi mınıstr.
Úkimet bereshekti 2,5 mlrd dollarǵa eýrobond shyǵarý arqyly óteýdi de josparlap otyr. Qarjy mınıstrligi qundy qaǵazdardy bıyl 24 maýsymda saýdaǵa shyǵarǵan.
Ótken aptada ǵana Qazaqstan úkimeti Islam damý bankinen 1,1 mlrd dollarǵa deıin nesıe alǵaly jatqany málim boldy. 11 shildede Ulttyq bank tóraǵasy Tımýr Súleımenov Qazaqstannyń syrtqy qaryzy asa kóp emes dep eseptemeıtinin aıtqan.
