Buǵan deıin aıyr qalpaqty aǵaıynnan temir tulpar tasý sánge aınalsa, endi keı pysyqaılar kórshiniń jylqysyn da barymtalaýǵa kirisken syńaıly. UQK Shekara qyzmetiniń Taraz shekara otrádyna qarasty «Granıtogorsk» ýaqytsha beketiniń shekarashylary belgisiz adamdardyń Qyrǵyz Respýblıkasynan bizdiń elimizge qaraı 10 jylqyny ótkizbek bolǵan qımyldarynyń jolyn kesti, dep habarlaıdy «Qamshy» portaly Baq.kz-ke silteme jasap.
Alaıda, memlekettik shekaranyń júrip-turýy qıyn aýdanynda turyp, shekarashylardyń qımylyn baqylaǵan belgisiz adamdar Qyrǵyzstan aýmaǵyna qaraı qashyp boı tasalaǵan. Qazir olardy izdeý jumystary júrgizilip jatyr. Al, urlanǵan jylqylar ýaqytsha bekettiń aýmaǵynda tur.
