Elimizde medısına salasyn kúrdeli ózgerister kútýde. Endi Eýrazıalyq ekonomıkalyq odaq sheńberinde dárigerler ortaq júıe boıynsha daıyndalady. Bul týraly «Qamshy» portaly «Almaty» arnasyna silteme jasap habarlaıdy.
Sondaı-aq keler jyly bes memleket mamandary birigip, stýdentter úshin arnaıy oqýlyq shyǵarmaqshy. Qazaqstanda medbıkeler jumysy halyqaralyq standartqa saı kelmeıdi. Mundaı toqtamǵa almatylyq joǵarǵy oqý orny emhanalardyń birinde sheteldik mamandarmen tekserý júrgizý barasynda keldi.
"Jalpy keleshekte jumystar boıynsha qaı máseleler bar sony talqylaı otyryp, oqý-ádistemelik jumystar jasalynady. Sodan ary qaraı halyqaralyq standartqa saı etý úshin jumys jasaımyz. Kelesi 2016-2017 jyldarda jalǵasady", - dedi Qazaq medısınalyq úzdiksiz bilim berý ýnıversıtetiniń rektory Ǵalymjan TOǴYZBAEV.
Qazaqstan, Reseı, Belarýs, Armenıa, Qyrǵyz Respýblıkasy men Ázirbaıjan medısına salasyndaǵy qordalanǵan máselelerdi endi ortalyq keńeste talqylaıdy. Tikeleı densaýlyq saqtaý mınıstrliginiń baqylaýynda bolatyn qurylymdy Eýrazıalyq ekonomıkalyq odaqqa múshe elderdiń mamandary ashýdy usyndy.
