Tarazda ózin-ózi órtegen 20 jastaǵy Erlan Bektibaevty vıdeoǵa túsirip turǵandardy polısıa ustady, - dep habarlaıdy «Qamshy» portaly Jambyl oblystyq İİD baspasóz qyzmetiniń ókilderine silteme jasap.
Jambyl oblystyq İİD taratqan habarlamada vıdeoǵa túsirgenderdiń qazirgi ýaqytta aty-jónderiniń anyqtalyp jatqany aıtylǵan.
Eske salaıyq, 20 jastaǵy jigit 24 qazanda Tarazdyń ortalyq alańynda "Nur Otan" partıasynyń fılıalynyń ǵımaratyna júgirip, saǵat shamamen 10.30-da ózin-ózi órtep jibergen bolatyn. Alǵan jaraqatynan er adam qalalyq aýrýhanada kóz jumdy. Órteý aldynda ol qalyptasqan jaǵdaıǵa polısıa qyzmetkeriniń kináli ekenin habarlady. Budan keıin "Nur Otan" partıasynyń ókilderi Tarazdaǵy ózin-ózi órteý oqıǵasyna túsinik bergen bolatyn.
