Bul týraly «Qamshy» portaly Almaty qalalyq İİD-i baspasóz qyzmetine silteme jasaı otyryp habarlaıdy.

İİD-niń baspasóz qyzmeti taratqan habarlamada polısıa qyzmetkerleri avtokólikterdi ruqsat etilmegen jerlerge qoıýmen kúresti kúsheıtetini aıtylǵan. Polısıa qyzmetkerleriniń habarlaýynsha, búginde Almaty qalasynda 555 myń avtokólik tirkelse, taǵy kún saıyn 300 myńnan astam kólik basqa qalalardan kiredi. Munyń barlyǵy jol qozǵalysy men qaýipsizdigi, kólikter leginiń tolastamaýyna yqpal etedi. Azamattardyń joldaǵy qaýipsizdigi men kólik keptelisteriniń aldyn alýda avtoturaq máselesin úılestirýdiń mańyzy erekshe.

İİD-i taratqan habarlamada sondaı-aq, jyl basynan beri atalǵan quqyqbuzýshylyq túri boıynsha 4 509 júrgizýshi ákimshilik jaýapkershilikke tartylǵany aıtylady. Búginde, QR Ákimshilik quqyqbuzýshylyq kodeksiniń 597-baby boıynsha, arnaıy ruqsat etilmegen orynǵa kólik qoıǵany úshin 10-nan 50 aılyq eseptik kórsetkishke deıin aıyppul salynady.