Eskertkish jazýshy jerlengen Keńsaı-2 zıratyna ornatyldy, - dep habarlaıdy «Qamshy» portaly QazAqparatqa silteme jasap.

Eskertkishti Amangeldi Baıǵatorov bastaǵan avtorlar toby jasap shyqqan.

«Gerold Karlovıch adal da ashyq adam edi. Osy qasıetteri úshin ony áriptesteri, jerlesteri, elimizdiń barlyq azamattary qurmettedi. Ol Prezıdenttik Beıbitshilik jáne rýhanı kelisim yılyǵynyń ıegeri bolatyr. Soǵan qaramastan, Ger-aǵa óte qarapaıym jan edi. Ómiriniń sońǵy kúnine deıin ol qolynan qalamyn tastamady» dedi eskertkishtiń ashylý saltanatynda Soltústik Qazaqstan oblysynyń ákimi Erik Sultanov.

40-tan astam kitaptyń avtory, kórnekti jazýshy, aýdarmashy, kósemsózshi  Gerold Belger 1934 jyly Reseıdiń Engels qalasynda dúnıege kelgen. 1941 jyly etnıkalyq nemistermen birge Qazaqstanǵa jer aýdarylyp, balalyq shaǵy Soltústik Qazaqstan oblysyndaǵy qazirgi Ysqaq Ybyraev aýylynda ótken. Jazýshy 7 aqpan kúni Almaty qalasynda 81 jasynda qaıtys boldy.