Irakta DAISH sodyrlar uıymynyń lańkesteri qolynan jarty jylda 13 jýrnalıs qaza boldy. Bul týraly «Qamshy» portaly "Shekarasyz reporter" halyqaralyq uıymyna silteme jasap habarlaıdy.
Lańkester memlekettiń soltústik aımaǵynda ornalasqan Mosýl qalasyn 2014 jyldyń maýsymynda basyp alǵan bolatyn. Atalǵan jýrnalıser osy qalada azaptalyp óltirilgen. Uıymnyń aıtýynsha, sodyrlar Mosýl qalasynyń tele-radıo stansıalaryn óz baqylaýynda ustap otyr. Sondaı-aq, «Islam memleketiniń» sodyrlary tutqynǵa alǵan 10 BAQ ókiliniń taǵdyry áli kúnge deıin belgisiz deıdi olar.
ARA News sırıalyq agenttiginiń málimetinshe, DAISH ózderi baqylaýǵa alǵan aımaqtarda oryn alyp jatqan jaǵdaılardy jarıalaıtyn jýrnalıserdiń barlyǵyna qaýip tóndiredi. Máselen, aǵymdaǵy jyldyń tamyz aıynda Mosýlda Saladin TV jýrnalısi Adel Saef pen onyń ákesin atyp óltirgen bolatyn. Al, buǵan deıin dál osy qalada jýrnalıs Samah Mýhammed pen fotograf Valıd Abdýlla atyldy. Al, osy jyldyń qyrkúıeginde Sırıa úkimetiniń 56 áskerin, mamyr aıynda Palmır qalasynda 217 adamdy óltirgen bolatyn. Onyń jartysynan kóbi beıbit turǵyndar.
