Qaraǵandylyq jolaýshy tasymaldaýshy kásiporyndar elektrondy bılettendirý júıesin engizýge qarsylyq tanytýda. Bul týraly «Qamshy» portaly Tengrinews.kz –ke silteme jasap habarlaıdy.

Atalǵan júıeni Almatyda engizgen kompanıa qaraǵandylyq sheneýnikterge usynyspen shyqqan. Jobamen tanysqan Qaraǵandy qalasynyń tasymaldaýshylary áriptestik týraly memorandýmǵa qol qoıýdan bas tartyp otyr.

Elektrondy bılettendirý júıesin júzege asyrýshy kompanıa basshylyǵy atalǵan jobany engizý barlyq taraptarǵa paıda ákeletinin aıtýda. Tasymaldaýshylar kondýktorlardy qysqartý jáne jolaqysyn jınaýdyń artýy arqyly paıdaǵa kenelse, jergilikti búdjetke osy saladaǵy jarıalylyqtyń arqasynda túsim kóbeıedi. Jolaýshylarǵa da jol aqysyn tóleýde zamanǵa saı qolaıly jaǵdaılar usynylmaq.

Avtobýstarǵa atalǵan júıeni engizý, qurylǵylardy ornatý búdjet qarajatyna emes, kompanıanyń qarajatyna júzege aspaq.

Qaraǵandylyq tasymaldaýshylardan osy júıeni engizgeni úshin joba ıesi túsimniń  paıyzyn surap otyrǵan kórinedi. Tasymaldaýshylardyń narazylyǵyn týǵyzyp otyrǵan da osy sebep. Bul somany shamadan tys kóp sanaǵan tasymaldaýshy kompanıalar kelisimnen bas tartyp otyr. Atalǵan júıeni engizý qajettiligi áldeqashan týǵan jáne paıdaly jaqtary kóp dep sanaıtyn qala ákimi Nurlan Áýbákirov bolsa máseleni tereńirek taldap, taraptardy bir kelisimge kelýge shaqyryp otyr.