Almatydaǵy tramvaı deposynyń jumysy ýaqytsha toqtatylady. Bul týraly «Qamshy» portaly qalalyq ákimdik baspasóz qyzmetine silteme jasap habarlaıdy.

Almaty ákimi tramvaı deposyna baryp, onyń jumysymen tanysqannan soń osyndaı sheshimge kelgen. Ákim depo basshylyǵyna qoǵamdyq kólik deposynyń jumysyn retteý týraly birqatar tapsyrmalar berip, tramvaılardyń osy kúıinde qyzmet kórsetýi múmkin emes ekenin aıtqan.

Depo jumysshylary esh qysqartylmaıtyny, olardy eńbekaqylaryn saqtaı otyryp, basqa jumysqa aýystyrylatyny aıtylǵan habarlamada. Qalanyń tarıhı kelbetin saqtap qalý maqsatynda qalada týrısik tramvaılar qatynaıtyn bolady.

Esterińizge sala ketsek, bıyl qyrkúıek, qazan aılarynda Almatyda tramvaıdyń qatysýymen eki iri jol apaty oryn alǵan bolatyn. Jyl basynan beri 43 ret tramvaılardyń relsten shyǵyp ketý oqıǵasy tirkelgen.