Germanıanyń astanasynda salmaǵy 250 kg bolatyn Uly Otan soǵysy kezindegi amerıkalyq bomba tabyldy. Sonyń saldarynan qaladaǵy 12 myńnan astam adam qaýipsiz jerlerge kóshirildi. Bul týraly «Qamshy» portaly TASS-qa silteme jasap habarlaıdy.
Berlınde evreı mýzeıiniń janynan Ekinshi dúnıejúzilik soǵysta qoldanylǵan avıabomba tabylýyna baılanysty, 12 myńnan astam adam qaýipsiz jerlerge kóshirildi. Rundfunk Berlin-Brandenburg radıosynyń aıtýynsha, amerıkalyq bombanyń salmaǵy 250 kg quraıdy. Ol burynǵy gúl satatyn bazardyń ornynan tabylǵan. Sondyqtan bul mańǵa jaqyn jerlerde júrýge tıym salynyp, qoǵamdyq kólikter aınalma joldar arqyly ótýde.
Aıta keteıik, ótken jeksenbide osy mańǵa jaqyn jerde basqa bomba tabyldy. Demalys kúni de 12 myńnan astam turǵyn qaýipsiz jerge kóshirilgen bolatyn.
Uly Otan soǵysy kezinde Germanıa aımaǵynda, atap aıtsaq, Berlınge 68 myńnan tonnadan asa, Gambýrgke 45 myń tonna, al Rýrskıı oblysyna 162 myń tonnadan astam bomba tastalǵan.
