Qytaı halyq respýblıkasynyń azamaty 30 qazan kúni jer astynan jol salyp Qazaqstan shekarasyn buzyp ótken. Bul týraly «Qamshy» portaly Qazaqstan Respýblıkasy UQK Shekara qyzmetiniń baspasóz qyzmetine silteme jasap.

Oqıǵa Shekara qyzmetiniń «Shyǵys» óńirlik basqarmasyna qarasty Jarkent shekara otrádynyń «Yntaly» zastavasynda bolǵan.

Dabylmen kóóterilgen shekarashylar saǵat 00.30 shamasynda iz kesýshi ıtpen birge dabyl túsken aýmaqqa jetken. İz kesý toby baqylaý jolaǵynan kórshi eldiń aýmaǵynan kirgen adamnyń izin birden baıqaıdy. Teksere kele, shekara buzýshy dabyl berý baǵanynyń astyn qazyp ótkeni anyqtalǵan.

Áskerıler shekara buzýshyny shekara syzyǵynan 8 shaqyrym jerde, Altynkól temirjol stansasyn betke alyp bara jatqan jerinen tutqyndaǵan. Ol 1985 jyly týǵan QHR-dyń azamaty bolyp shyqty. Ustalǵan azamattyń sómkesinde 501 ıýán aqsha, azyq-túlik, elektrli qolsham, kıimder, temeki blogy, qytaı tilindegi álem kartasy jáne taǵy da basqa kerekti zattar bolǵan.