Búgin Pavlodarda oblys ákimi Qanat Bozymbaevtan 500 myń dollar aqsha bopsalamaq bolǵan birneshe adamnyń soty bolyp, úkim shyǵaryldy. Bul týraly «Qamshy» portaly Today.kz –ke silteme jasap habarlaıdy.

Sot úkimi boıynsha «Versıa» gazetiniń bas redaktory Iaroslav Golyshkın segiz jylǵa bas bostandyǵynan aıyrylyp, múlki tárkilenetin boldy. Pavlodar aýdany ákiminiń orynbasary Asqar Bahralınovqa sot múlkin tárkileýmen qosa 10 jyl merzimge bas bostandyǵynan aıyrý jazasyn kesti. Kásipker Nurjan Súleımenovtiń jeti jylǵa bostandyǵy shekteletin boldy. Burynǵy polısıa qyzmetkeri Farhat Alıasovqa sot 3,5 jyl jaza kesip, múlkin tárkileý, arnaıy «maıor» sheninen aıyrý týraly úkim shyǵardy. Sot úkim shyǵararda Súleımenov pen Alıasovtyń kinálaryn moıyndap, istegen isterine ókinetindikterin eskergen.

Esterińizge salar bolsaq, sottalǵandar qyz zorlaý oqıǵasyna baılanysty oblys ákimi Q. Bozymbaevty ulyn aıyptaǵan beınejazba arqyly bopsalamaq bolǵan. Keıin zardap shekken qyz málimdeme jasap ol beınejazba týraly túsinikteme berip, ákimniń ulynyń qyz zorlaý oqıǵasyna esh qatysy joqtyǵyn aıtqan.

«Qamshy» silteıdi