Qazannyń 29-ynan bastap AQSH memlekettik hatshysy Djon Kerrı Ortalyq Azıa elderin sharlap ótip, dúısenbide Qazaqıaǵa keledi. Bul týraly «Qamshy» portaly «Azattyq» radıosyna silteme jasap habarlaıdy.

Negizi Qazaq eline buǵan deıin AQSH memlekettik hatshylarynan 2005 jyly Kondolıza Raıs, 2010 jyly EQYU samıtine Hılları Klınton kelgen. Al Djon Kerrı qarashanyń 1-3 kúnderi Astanada bolyp, Qazaq eliniń basshysy Nursultan Nazarbaevpen kezdesedi jáne strategıalyq seriktestik boıynsha komısıa otyrysyna qatysady dep josparlanǵan.

Resmı aqparat quraldarynyń habarlaýyna qaraǵanda, bul – Djon Kerrıdiń Ortalyq Azıanyń bes eline jasaıtyn alǵashqy sapary. Kerrı Samarqandta osy aımaq elderi syrtqy ister mınıstrleriniń jańa S5+1 formatyndaǵy keńesine qatysady.